Vol. 1 No. 1 (2025)
Mamlakatimizda amalga oshirilayotgan islohotlardan kelib chiqadigan
vazifalarni rо‘yobga chiqarish, yuqori malakali mutaxassis kadrlarni tayyorlab
berishda oliy o’quv yurtlari qatorida Qo’qon davlat universiteti ham о‘z hissasini
qо‘shib kelmoqda. Farzand tarbiyasida ota-onalarning o‘rni, mas’uliyati va
pedagogik madaniyatini zamonaviy pedagogik hamda psixologik yondashuvlar
asosida chuqur tahlil qilish, oilaviy tarbiya jarayonini takomillashtirish bo‘yicha
ilmiy va amaliy tavsiyalar ishlab chiqish, ilmiy asoslarini o’rganish va ularni
ommalashtirish maqsadida 2025-yil 15-oktyabr kuni “Farzand tarbiyasida ota
onalar roli: zamonaviy pedagogik va psixologik yondashuvlar” mavzusidagi
Respublika ilmiy-amaliy konferensiyasi o‘tkaziladi. Bugungi globallashuv va
raqamli transformatsiya davrida yosh avlod tarbiyasi masalasi jamiyat
taraqqiyotining eng muhim omillaridan biri sifatida e’tirof etilmoqda. Farzand
tarbiyasida ota-onalarning o‘rni nafaqat oilaviy muhitni sog‘lom saqlash, balki
barkamol shaxsni voyaga yetkazishning poydevorini yaratishda ham beqiyos
ahamiyat kasb etadi. Shu bois, zamonaviy pedagogik va psixologik yondashuvlar
asosida ota-onalarning tarbiyaviy kompetensiyasini rivojlantirish masalasi ta’lim
tarbiya tizimida ustuvor yo‘nalishlardan biri bo‘lib qolmoqda. Bola shaxsining
rivojlanishida ota-onalar va pedagoglarning hamkorligi, ularning psixologik
savodxonligi, kommunikativ madaniyati va emotsional intellektini yuksaltirish
zaruriy ehtiyoj sifatida namoyon bo‘lmoqda. Ayniqsa, raqamli texnologiyalar,
internet tarmoqlari va media muhitning kuchayib borishi sharoitida oilaviy
tarbiyaning yangi shakl va metodlarini ishlab chiqish dolzarb vazifadir. Mazkur
konferensiya zamonaviy pedagogik va psixologik yondashuvlar asosida farzand
tarbiyasida ota-onalarning rolini chuqur tahlil etish, ilg‘or tajribalarni o‘rganish
hamda amaliy taklif va tavsiyalar ishlab chiqishga qaratilgan. U pedagogika va
psixologiya sohasidagi olimlar, amaliyotchi mutaxassislar hamda ota-onalarning
o‘zaro fikr almashuvi uchun muhim ilmiy-amaliy maydon vazifasini bajaradi.
Mazkur xalqaro konferensiya O‘zbekiston Respublikasi Oliy ta’lim, fan va
innovatsiyalar vazirining 2024-yil 27-dekabrdagi 490-sonli buyrug‘i 1-ilovasi bilan
belgilangan «2025-yilda xalqaro miqyosida oʻtkaziladigan ilmiy va ilmiy-texnik
tadbirlar» asosida (ro‘yxat raqami 292/292 ) o‘tkazilmoqda.
Konferensiyada ishtirok etish uchun topshirilgan maqolalar uch tilda –
o‘zbek, rus va ingliz tillarida qabul qilinadi. Ekspertlar kengashida ko‘rib chiqilib,
ijobiy taqriz olgan maqolalar konferensiya materiallariga kiritiladi va ilmiy to‘plam
shaklida nashr etiladi. Konferensiya tahrir hay’ati maqola matnini qisqartirish va unga
ma’lumotlarning haqqoniyligiga mualliflar mas’uldirlar.
Maqolalar 2025-yil 1-oktyabr kuniga qadar tashkiliy qo‘mitaning
zarnigorxonmeliqoziyeva@gmail.com elektron pochtasi orqali yoki telegram
+998997990408 @Teacher_Zari vositada, elektron qabul qilinadi.
