TA’LIM TAMOYILLARINING MOHIYATI

Abstract

Ushbu ishda ta’lim tamoyillarining mazmuni, mohiyati va ularning o‘quv-tarbiya jarayonidagi o‘rni yoritilgan. Asarda ta’lim tamoyillari pedagogika fanining asosiy tushunchalaridan biri sifatida talqin etilib, ularning nazariy va amaliy ahamiyati tahlil qilingan. Tadqiqot davomida ilmiylik, tizimlilik, izchillik, ongli o‘zlashtirish, ko‘rgazmalilik, nazariya bilan amaliyot birligi hamda hayot bilan bog‘liqlik tamoyillarining mazmuni ochib berilgan. Shuningdek, ularning ta’lim jarayonini tashkil etishdagi o‘rni va o‘qituvchi faoliyatiga ta’siri ko‘rsatib o‘tilgan.Ishda zamonaviy ta’lim jarayonida ta’lim tamoyillarini innovatsion texnologiyalar bilan uyg‘unlashtirish zaruriyati asoslab berilgan. Ta’lim tamoyillarining to‘g‘ri qo‘llanishi ta’lim sifati va samaradorligini oshirish, o‘quvchi shaxsining mustaqil fikrlashi va ijodiy yondashuvini rivojlantirishda muhim omil ekanligi ta’kidlangan.