TARIX FANINI O‘QITISHDA PEDAGOGIK METODLARNING QO‘LLANILISHI

Abstract

Ushbu maqolada tarix fanini o‘qitishda pedagogik metodlarning nazariy asoslari, ularni dars jarayonida qo‘llash yo‘llari hamda ta’lim samaradorligini oshirishdagi ahamiyati keng yoritilgan. Tarix fani o‘z mohiyatiga ko‘ra o‘tmish voqealarini tizimli o‘rganish, ularni tahlil qilish va xulosalar chiqarishni talab qiladigan fan bo‘lib, bu jarayonda o‘qitish metodlari hal qiluvchi ahamiyat kasb etadi. Maqolada tarix ta’limida qo‘llaniladigan metodlar umumiy tasnif asosida bir nechta guruhlarga ajratilgan hamda ushbu guruhlarga kiruvchi asosiy metodlar chuqur tahlil qilingan. Har bir metodning mohiyati, tarixiy mavzularga mos qo‘llanishi, aniq misollar orqali ochib berilgan. Shuningdek, metodlarning afzallik va kamchiliklari alohida-alohida ko‘rsatilib, ularning o‘quvchilarda tarixiy tafakkur, tanqidiy fikrlash va mustaqil xulosa chiqarish ko‘nikmalarini shakllantirishdagi roli asoslab berilgan. Maqola tarix fanini o‘qitishda an’anaviy va zamonaviy pedagogik yondashuvlarni uyg‘unlashtirish zaruratini ilmiy jihatdan asoslab beradi.