MAHALLA INSTITUTINING SHAKLLANISH VA RIVOJLANISH BOSQICHLARI (XIX–XX ASRLAR)

Abstract

Mazkur maqolada mahalla institutining XIX–XX asrlardagi shakllanishi va rivojlanish bosqichlari tarixiy, ijtimoiy va huquqiy jihatdan tahlil qilinadi. Mahalla institutining an’anaviy boshqaruv shakli sifatida yuzaga kelishi, chor Rossiyasi mustamlakachiligi davridagi o‘zgarishlar, sovet tuzumi yillarida uning funksional imkoniyatlarining cheklanishi hamda XX asr oxiriga kelib jamiyatdagi ijtimoiy institut sifatidagi ahamiyatining saqlanib qolishi ilmiy asosda yoritiladi. Tadqiqot jarayonida tarixiy-tahliliy, qiyosiy va tizimli yondashuv metodlaridan foydalanildi. Maqola natijalari mahalla institutining milliy o‘ziga xos ijtimoiy boshqaruv modeli sifatida tarixiy ahamiyatini ochib berishga xizmat qiladi.