ATROF-MUHIT IFLOSLANISHI VA INSON SALOMATLIGI: ZAMONAVIY XAVFLAR VA ILMIY YONDASHUVLAR

Abstract

Tabiat va insoniyat bir-biriga chambarchars bog’langan bo’lib, tabiatdagi har qanday iqlimiy o’zgarishlar va atrof-muhit omillari inson hayotiga, albatta, o’z ta’sirini o’tkazmay qolmaydi. Atrof-muhit omillari inson hayotiga ta’sir qiluvchi tabiiy yoki texnogen omillardir. Insoniyatning mana shu omillar bilan o’zaro ta’sirlanishi odamlarning salomatligi, farovonligi va hayot sifatiga juda katta sezilarli ta’sir ko’rsatadi. Masalan, ekologik omillar, jumladan, havoning ifloslanishi, tuproqning ifloslanishi, radiatsiya, shovqin va iqlim o’zgarishlari inson salomatligidagi salbiy o’zgarishlarga sabab bo’ladi. Ushbu maqolada atrof-muhit omillari natijasida yuzaga kelayotgan muammolar va ularning yechimlari tahlil qilinadi. Shuningdek, ayni vaqtda fuqarolar va davlat organlari tomonidan olib borilayorgan tadbirlar va ularning natijalari ham tahlil qilinadi.