SHUKUR XOLMIRZAEV HIKOYALARIDA QAHRAMON RUHIYATI VA MILLIY KOLORIT IFODASI

Abstract

Shukur Xolmirzayev o‘zbek adabiyotida hayotning asl qiyofasini o‘ziga xos tarzda aks ettira olgan yozuvchilardan biridir. Uning ijodi xalq hayoti, urf-odatlari, qadriyatlari va dunyoqarashi bilan chambarchas bog‘liq. Ayniqsa, yozuvchining hikoyalarida milliy kolorit, ya’ni xalqona ruh, an’anaviy qarashlar va turmush tarzining badiiy ifodasi alohida o‘rin egallaydi. O‘zbek adabiyoti ravnaqiga munosib hissa qo‘shgan iste’dodli yozuvchimiz   Shukur Xolmirzayev ijodini har qancha o‘rgansak kamlik qiladi. Shu maqsadda mazkur maqolada yozuvchining hikoyalari poetikasi, badiyati, yozuvchi hikoyalarida qahramon ruhiyati va milliy koloritning  ifodalanishi, yozuvchi  uslubidagi o‘ziga xos mahorati va boshqa jihatlari xususida fikr yuritamiz.