TA’LIM MUASSASALARIDA INSON RESURSLARI STRATEGIYASINING NATIJAVIYLIKKA TA’SIRI: EMPIRIK TADQIQOT

Abstract

Mazkur maqolada ta’lim muassasalarida inson resurslari strategiyasining ta’lim sifati va natijadorlik ko‘rsatkichlariga ta’siri empirik tahlillar asosida o‘rganiladi. Inson resurslarini boshqarishning samarali strategiyalari o‘qituvchi va rahbar kadrlar faoliyatida qanday ijobiy o‘zgarishlar keltirib chiqarishi mumkinligi haqida faktik ma’lumotlar asosida xulosa chiqariladi. Tadqiqot doirasida umumiy o‘rta ta’lim maktablari misolida so‘rovnoma, intervyu va kuzatuvlar orqali ma’lumotlar yig‘ilgan. Tahlil natijalari shuni ko‘rsatadiki, inson resurslarini rivojlantirishga qaratilgan aniq strategik yondashuvlar o‘quvchilarning o‘zlashtirish ko‘rsatkichlari, pedagoglar ishidagi motivatsiya va professional o‘sish bilan bevosita bog‘liqdir. Maqolada shuningdek, O‘zbekiston ta’lim tizimida HR-strategiyani takomillashtirish bo‘yicha amaliy tavsiyalar ham berilgan.