O’ZBEK TILI VA FRANSUZ TILIDA GAP TUZILISHINING FARQLARI

Abstract

Fransuz tili va o’zbek tili turli til oilalariga mansub bo’lib, ularning gap tuzilishi sezilarli darajada farq qiladi. O’zbek tili agglutinativ ( qo’shimcha orqali so’z shakllantiruvchi ) til bo’lsa, fransuz tili flektiv ( so’zlarning shakli grammatik vazifasiga qarab o’zgaruvchi ) til hisoblanadi. Ushbu maqolada mana shu ikki tilning gap tuzilishi qiyosiy tahlil qilinib, so’z tartibi, fe’lning roli, sintaktik tuzilma va jumlalarning bog’lanish usullari o’rganilgan. O’zbek tilida gap tartibi SOV (Subyekt- Obyekt- fe’l ) bo’lsa, fransuz tilida esa, SVO ( Subyekt- Fe’l- Obyekt ) mana shunday tartibda tuziladi. Bundan tashqari, o’zbek tilida fe’l  zamon va shaxs qo’shimchalari orqali ifodalansa, fransuz tilida yordamchi fe’llar va zamon shakllari yordamida ifodalanadi. Shuningdek, so’z birikmalarining tuzilishi, inkor gaplarning hosil bo’lishi, savol va murakkab gaplarning tarkibi kabi jihatlar ham farq qiladi. Mazkur maqolada ushbu farqlar lingvistik nuqtayi nazardan tahlil qilinib, ularning o’zbek tilida fransuz tilini o’rganish jarayoniga ta’siri yoritilgan.