XORAZM VILOYATIDA ICHIMLIK SUVINING SIFAT KO‘RSATKICHLARI VA AHOLI SALOMATLIGIGA TA’SIRINING GIGIYENIK JIHATLARI

Abstract

Mazkur maqolada Xorazm viloyatida ichimlik suvi sifatining gigiyenik ahamiyati, uning fizik-kimyoviy, mikrobiologik va organoleptik ko‘rsatkichlari hamda ushbu ko‘rsatkichlarning aholi salomatligiga ta’siri tahlil qilingan. Ichimlik suvining sifati aholi salomatligini belgilovchi muhim ekologik omil bo‘lib, suv tarkibidagi mineral moddalar, nitratlar, sulfatlar, xloridlar, og‘ir metallar hamda mikrobiologik ifloslanish darajasi turli kasalliklarning rivojlanish xavfiga ta’sir ko‘rsatishi mumkin. Xorazm viloyatining tabiiy-iqlimiy sharoiti, yer osti suvlarining minerallashuvi, sug‘oriladigan dehqonchilik, suv ta’minoti tarmoqlarining texnik holati va markazlashmagan manbalardan foydalanish ichimlik suvi sifati bilan bog‘liq xavf omillari sifatida baholanadi. Maqolada suv sifatini nazorat qilish, mikrobiologik xavfsizlikni ta’minlash va suv orqali yuqadigan kasalliklar profilaktikasiga doir tavsiyalar bayon etilgan.