TA’LIM SOHASIDAGI RAQAMLASHTIRISH LOYIHALARI SAMARADORLIGIGA TA’SIR ETUVCHI OMILLAR VA EDPM BOSHQARUV MODELI

Abstract

Maqolada ta’lim sohasidagi raqamlashtirish loyihalarining samaradorligiga ta’sir ko‘rsatuvchi omillar aniqlanib, ular asosida boshqaruvning amaliy modeli ishlab chiqilgan. 32 nafar ekspert ishtirokidagi so‘rov (Kendall konkordatsiya koeffitsienti W = 0,78) hamda 16 ta oliy ta’lim muassasasi bo‘yicha korrelyatsion-regression tahlil natijalari boshqaruv va koordinatsiya sifati (28,4%) hamda raqamli kompetensiya (22,6%) eng ta’sirchan omillar ekanligini ko‘rsatdi. Raqamli kompetensiya darajasi bilan loyiha boshqaruvi samaradorligi o‘rtasidagi bog‘liqlik juda kuchli (R = 0,94; R² = 0,88) bo‘lib, moliyalashtirish hajmi bilan bog‘liqlik esa zaif (R = 0,44) ekanligi aniqlandi. Shu asosda beshta blokdan iborat EDPM (Education Digital Project Management) modeli taklif etilgan. Hisob-kitoblarga ko‘ra, modelni joriy etish 2026 — 2030-yillarda 312 mlrd so‘m tejamkorlik, 486 mlrd so‘m sof diskontlangan qiymat va 26,3 foiz investitsiya qaytimini ta’minlaydi.