BOG‘ MAYORAN (ORIGANUM MAJORANA L.) NI O‘SISHI VA RIVOJLANISHIGA HAMDA XOSILDORLIGIGA ORGANIK O‘G‘ITNING TA’SIRI.

Abstract

Mazkur maqolada Bog‘ mayoran (Origanum majorana L.) o‘simligini o‘sishi va rivojlanishiga hamda xosildorligiga organik o‘g‘itning ta’siri yuzasidan ma’lumotlar keltirilgan bo‘lib, olib borilgan tajribalarga asoslanib, o‘simliklarning o‘sish va rivojlanishi, hamda hosildorligi organik o‘g‘itlarga bevosita bog‘liq ekanligi aniqlandi. Sezilarli ravishda ijobiy natijalar 30 t/ga chirigan go‘ng qo‘shilgan variantda qayd etilib, bu variantda ekilgan 400 dona urug‘dan 23 - martdan 31 - martgacha bo‘lgan vaqt oralig‘ida 360 ta urug‘ unib chiqdi hamda unuvchanligi 90% ni tashkil etdi. Vegetatsiya davomida o‘simlikning bo‘yi 38-64 sm, shoxlarining soni 34-52 dona, gullash davrida yer ustki xom ashyosi 2 ta o‘rimda o‘rtacha 1338 kg/ga atrofida qayd etildi.

Olingan natijalar nazorat variantlari bilan qiyosiy tahlil qilinganda, bu ko‘rsatkichlarni (urug‘ unuvchanligini-20%, shoxlarining sonini 72%, balandligini 64,5% va, xom ashyosi hosildorligini 48,7% ga) yuqori ekanligi izlanishlar davomida aniqlandi.