MEDIAMAKONDA MILLIY QO‘SHIQCHILIK ASOSIDA AXBOROT PSIXOLOGIK XAVFSIZLIKNI TA’MINLASH MEXANIZMLARI

Abstract

Mazkur maqolada globallashuv va raqamli kommunikatsiyalar sharoitida mediamakonda milliy qo‘shiqchilik san’atining axborot-psixologik xavfsizlikni ta’minlashdagi o‘rni hamda ahamiyati ilmiy jihatdan tahlil qilingan. Milliy musiqa inson ongi, ma’naviy dunyoqarashi, milliy identikligi va mafkuraviy immunitetini shakllantiruvchi muhim madaniy omil sifatida baholanadi. Shuningdek, ommaviy axborot vositalari va ijtimoiy tarmoqlarda milliy qo‘shiqchilikni targ‘ib qilish orqali yoshlarni turli axborot tahdidlari, destruktiv g‘oyalar va psixologik manipulyatsiyalardan muhofaza qilishning nazariy hamda amaliy mexanizmlari yoritilgan. Maqolada milliy musiqiy merosning mediamakondagi ta’sir darajasi, uning axborot madaniyatini shakllantirishdagi ahamiyati hamda milliy qadriyatlarni ommalashtirish orqali axborot xavfsizligini mustahkamlash imkoniyatlari ilmiy nuqtai nazardan asoslangan.