GEOGEBRA DASTURI YORDAMIDA FUNKSIYANING EKSTREMUM NUQTALARINI ANIQLASH VA GRAFIK TAHLIL QILISH USULLAR

Abstract

Ushbu ilmiy maqolada GeoGebra dasturi yordamida funksiyalarning ekstremum nuqtalarini aniqlash, ularni grafik asosida tahlil qilish hamda oliy matematika fanini o‘qitish jarayonida samarali qo‘llashning nazariy va amaliy jihatlari yoritilgan. Tadqiqot davomida funksiyaning lokal maksimum va lokal minimum nuqtalarini hosila, ikkinchi hosila hamda grafik usullar orqali aniqlash algoritmlari tizimli ravishda bayon etilgan. Shuningdek, matematik analiz fanida uchraydigan murakkab funksiyalarni vizuallashtirish orqali talabalarning mantiqiy fikrlashi, fazoviy tasavvuri va analitik yondashuvini rivojlantirish imkoniyatlari ko‘rsatib berilgan.         

Maqolada GeoGebra dasturining interaktiv muhiti asosida funksiyaning o‘sish va kamayish oraliqlari, kritik nuqtalari, egilish xossalari hamda ekstremum qiymatlarini tezkor aniqlash usullari misollar yordamida tahlil qilingan. Bundan tashqari, raqamli ta’lim texnologiyalaridan foydalanish orqali dars samaradorligini oshirish, talabalarning mustaqil ishlash ko‘nikmalarini shakllantirish va amaliy masalalarni yechish kompetensiyalarini rivojlantirish masalalari ham ko‘rib chiqilgan.