MILLIY IQTISODIYOTNING YASHIL RIVOJLANISHINI IJTIMOIY VA IQTISODIY JIHATLARI

Abstract

Ushbu ilmiy maqola milliy iqtisodiyotning yashil rivojlanishini ijtimoiy va iqtisodiy jihatlarini tahlil qilishga bag‘ishlangan. Tadqiqotda yashil iqtisodiyotning nazariy asoslari, uning barqaror rivojlanishdagi o‘rni, shuningdek, ijtimoiy adolat va iqtisodiy o‘sishga ta’siri o‘rganilgan. Maqolada O‘zbekiston misolida yashil iqtisodiyotni rivojlantirish bo‘yicha amalga oshirilayotgan islohotlar, jumladan, “yashil” taksonomiya joriy etilishi, “yashil” obligatsiyalar chiqarilishi va qayta tiklanuvchi energiya loyihalari tahlil qilingan. Tadqiqot natijalariga ko‘ra, yashil iqtisodiyotga o‘tish nafaqat ekologik barqarorlikni ta’minlaydi, balki yangi ish o‘rinlari yaratish, kambag‘allikni qisqartirish va aholi turmush darajasini oshirish imkoniyatlarini ham yaratadi. Shu bilan birga, ushbu o‘tish davrida ishchilarni qayta tayyorlash va ijtimoiy himoya qilish mexanizmlarini ishlab chiqish zarurligi asoslangan.