UMUMIY O‘RTA TA’LIM MAKTABLARIDA ISHQORIY YER METALLARI MAVZUSINI INTERFAOL METODLAR ASOSIDA O‘QITISH

Abstract

Mazkur maqolada umumiy o‘rta ta’lim maktablarida ishqoriy yer metallari mavzusini interfaol metodlar asosida o‘qitishning nazariy va amaliy jihatlari yoritilgan. Unda kimyo ta’limi jarayonida o‘quvchilarning faolligini oshirish, mustaqil fikrlashini rivojlantirish hamda bilimlarni chuqur o‘zlashtirishda interfaol metodlarning ahamiyati tahlil qilinadi. Xususan, “aqliy hujum”, “klaster”, “insert”, “kichik guruhlarda ishlash” kabi metodlarning ishqoriy yer metallari mavzusini o‘rganishda qo‘llanilish imkoniyatlari ko‘rsatib berilgan. Shuningdek, mazkur mavzuni o‘qitishda tajriba, muammoli vaziyatlar va amaliy topshiriqlardan foydalanish orqali o‘quvchilarda kimyoviy tafakkur va kompetensiyalarni shakllantirish yo‘llari asoslab berilgan. Maqolada interfaol yondashuv asosida tashkil etilgan darslarning samaradorligi, o‘quvchilarning bilim darajasi va qiziqishiga ijobiy ta’siri misollar orqali ochib berilgan. Tadqiqot natijalari interfaol metodlardan foydalanish kimyo ta’limi sifatini oshirishga xizmat qilishini ko‘rsatadi.