ORIFXON HOTAMOV IJODIY FAOLIYATI XUSUSIDA

Abstract

Mazkur maqolada O‘zbekiston xalq hofizi, bastakor va mohir sozanda Orifxon Hotamovning ijodiy faoliyati musiqashunoslik nuqtayi nazaridan tahlil qilinadi. Unda san’atkorning shakllanish omillari, Farg‘ona–Toshkent ijro an’analari bilan bog‘liqligi, Jo‘raxon Sultonov maktabi ta’siri, bastakorlik uslubining yetakchi xususiyatlari, mumtoz she’riyat bilan ishlash tamoyillari, ustoz-shogird an’analaridagi o‘rni hamda o‘zbek an’anaviy xonandaligi taraqqiyotiga qo‘shgan hissasi yoritiladi. Orifxon Hotamov ijodi misolida XX asr ikkinchi yarmida o‘zbek mumtoz musiqa ijrochiligi va bastakorlik tafakkurining uzviy rivoj yo‘llari ko‘rsatib beriladi. San’atkor merosining bugungi ijro amaliyotidagi ahamiyati ham alohida baholanadi.