QORAQALPOGʻISTON RESPUBLIKASI SHAROITIDA MEVALI BOGʻLARDA ZARARKUNANDALARGA QARSHI KURASH USULLARI

Abstract

Ushbu maqolamda Qoraqalpogʻiston Respublikasi sharoitida mevali bog‘larda uchraydigan asosiy zararkunandalar, ularning rivojlanish xususiyatlari hamda ularga qarshi samarali kurash usullari tahlil qilinadi. Hududning keskin kontinental iqlimi, ya’ni yozning issiq va quruq, qishning sovuq kechishi zararkunandalar soni va faoliyatiga sezilarli ta’sir ko‘rsatishi ilmiy asosda yoritilgan. Mevali daraxtlarga zarar yetkazuvchi asosiy hasharotlar sifatida olma qurti, barg o‘rovchilar, shiralar va o‘rgimchakkana kabi turlar misol tariqasida keltiriladi. Maqolada zararkunandalarga qarshi kurashning agrotexnik, biologik, mexanik hamda kimyoviy usullari kompleks yondashuv asosida bayon etilgan. Jumladan, bog‘ sanitariyasiga rioya qilish, zararlangan shox va mevalarni yo‘q qilish, foydali entomofaunadan foydalanish hamda zaruratga ko‘ra kimyoviy vositalarni me’yorida qo‘llash muhimligi ta’kidlanadi. Shuningdek, ekologik xavfsizlikni ta’minlash va hosil sifatini oshirishda biologik usullarning ustuvorligi alohida ko‘rsatib o‘tilgan. Mening shaxsiy fikrimcha, Qoraqalpog‘iston sharoitida mevali bog‘larni zararkunandalardan himoya qilishda ayniqsa integratsiyalashgan himoya tizimini qo‘llash, ya’ni barcha usullarni uyg‘unlashtirib foydalanish eng samarali natija beradi va uzoq muddatli barqaror hosildorlikni ta’minlaydi.