SHAVKAT RAHMONNING “JANGDA OLGAN EMAS BIROR BAHODIR” SHE’RINING TA’LIMIY TAVSIFI

Abstract

Ushbu maqolada Shavkat Rahmon ijodining ijtimoiy-falsafiy yo‘nalishi, ayniqsa “Jangda olgan emas biror bahodir” she’ri asosida bahodir obrazi va xiyonat motivining badiiy talqini tahlil qilinadi. She’rda bahodirlarning jang maydonida emas, balki xiyonat, adolatsizlik va tarixiy zulm tufayli halok bo‘lishi haqidagi g‘oya XX asr o‘zbek ziyolilari — jadidlar taqdiri bilan qiyoslanadi. Shuningdek, shoirning shu ruhdagi “Yashamog‘im zarur…” satrlari orqali haqiqat uchun kurash, vaqtning qadriga yetish, milliy vijdon oldidagi mas’uliyat kabi g‘oyalar poetik jihatdan sharhlanadi. Mazkur ikki she’r o‘rtasidagi mazmuniy bog‘liqlik — bahodirlarning halokati va ularning orzusini davom ettiruvchi avlodning mas’uliyati — badiiy konsepsiya sifatida asoslab berilgan. Maqola Shavkat Rahmon poetikasida milliy ongning uyg‘onishi, ma’rifatparvarlik ruhining davomiyligi va tarixiy xotiraning aks etish usullarini ochib beradi.