BOSHLANG‘ICH TA’LIMDA O‘QUVCHILAR JAMOASINI SHAKLLANTIRISHNING PEDAGOGIK ASOSLARI

Abstract

Ushbu maqolada boshlang‘ich ta’lim jarayonida o‘quvchilar jamoasini shakllantirishning mazmuni, ahamiyati va pedagogik asoslari yoritilgan. O‘quvchilar jamoasi ta’lim-tarbiyaning muhim tarkibiy qismi bo‘lib, u bolalarda ijtimoiy faollik, o‘zaro yordam, mas’uliyat va hamkorlik kabi sifatlarni rivojlantiradi. Maqolada o‘qituvchining jamoani shakllantirishdagi o‘rni, sinfdagi psixologik muhitni boshqarish, shuningdek, o‘quvchilar o‘rtasida ijobiy muloqotni rivojlantirish yo‘llari tahlil etilgan. Shuningdek, boshlang‘ich sinf o‘quvchilarining yosh xususiyatlari inobatga olingan holda samarali metodik yondashuvlar tavsiya etilgan. Izlanish natijalari shuni ko‘rsatadiki, sinf jamoasini to‘g‘ri tashkil etish o‘quvchilarning nafaqat o‘qishdagi muvaffaqiyatini, balki ularning shaxsiy kamolotini ham ta’minlaydi.