ARAB TILIDA MAF’UL VA UNING TURLARI (maf’ul bihi va maf’ul fiyhi misolida)

Abstract

Ushbu maqolada arab tilining muhim sintaktik birliklaridan biri – mafʼul tushunchasi va uning turlarga ajratilishi masalasi atroflicha yoritilgan. Arab tili grammatikasida mafʼul – fe’lning bevosita yoki bilvosita ta’sirini qabul qiluvchi unsur bo‘lib, gapning asosiy komponentlaridan biri hisoblanadi. Mafʼulning to‘g‘ri aniqlanishi va qo‘llanilishi arab tilidagi matnlarni to‘g‘ri tushunish va tarjima qilishda muhim ahamiyat kasb etadi.

Ushbu maqolada arab tilshunosligining asosiy sintaktik unsurlaridan bo‘lgan maf’ul bihi (to‘g‘ridan-to‘g‘ri tobe bo‘lgan maful) va maf’ul fiyhi (vaqt va joyni bildiruvchi maful) tushunchalari tahlil qilinadi. Maqolada ushbu ikki turdagi mafullarning grammatik vazifalari, gapda egallagan o‘rni, ularning fe’l bilan bo‘lgan munosabatlari hamda ularni ajratib ko‘rsatish mezonlari yoritilgan. Shuningdek, ularning o‘xshashlik jihatlari – har ikkisining ham fe’l talabiga javob berishi, tobe unsur sifatida ishlatilishi; va farqli jihatlari – ma’nodagi vazifalari, band qilgan sintaktik o‘rinlari tahlil qilingan.