DIRIJYORLIKDA LEGATO VA STAKKATO BELGILARINI KO‘RSATISH

Abstract

Ushbu ilmiy ishda dirijyorlik san’atida muhim ifoda vositasi bo‘lgan legato va stakkato belgilarini ko‘rsatish texnikasi tahlil qilinadi. Legato – bog‘lab ijro etish, stakkato esa qisqa va uzib ijro etishni anglatadi. Tadqiqotda ushbu artikulyatsion uslublarni dirijyorlik harakatlarida aniq aks ettirish yo‘llari, ayniqsa qo‘l harakatlari, zarblarning shakli, intensivligi va amplitudasi orqali ifodalash texnikasi ilmiy asosda ko‘rib chiqiladi. Shuningdek, turli orkestr asarlarini boshqarishda legato va stakkato belgilari qanday farqlanishi, bu belgilarning auditoriya hissiyotiga ta’siri misollar bilan yoritiladi. Ish dirijyorlarning amaliy mashg‘ulotlarida va musiqiy pedagogikada qo‘llanilishi mumkin bo‘lgan metodik tavsiyalarni ham o‘z ichiga oladi.