КЛАССИК ГИТАРАДА ДИНАМИКА, АРПЕДЖИО ВА ВИБРАЦИЯНИНГ АҲАМИЯТИ

Abstract

Ушбу мақола классик гитара ижросида динамика (товуш кучини ўзгартириш), арпеджио ва вибрация (тебраниш) техникасининг назарий ва амалий аҳамиятини таҳлил қилади. Ғанижон Ғаниевнинг «Гитара наволари» ўқув қўлланмаси материаллари ҳамда дунёнинг етакчи гитара мактаблари (Ф. Таррега, А. Сеговия, П. Агафошин) тажрибаларига асосланиб, ушбу элементларнинг ифодавийлик, техник ривожланиш ва мусиқий образ яратишдаги роли ўрганилган. Тадқиқот натижалари шуни кўрсатадики, динамика, арпеджио ва вибрациянинг ўзаро уйғун ишлатилиши ижрочининг бадиий маҳоратини сезиларли даражада оширади ва ўқувчиларда мусиқий тафаккурни шакллантиришга хизмат қилади. Мақола болалар мусиқа мактаблари ўқитувчилари ва ўқувчилари учун амалий тавсияларни ҳам ўз ичига олади.