RAQAMLI MEDIAMAKONDA MILLIY MUSIQIY MEROSNI TARG‘IB QILISH ORQALI AXBOROT MADANIYATINI SHAKLLANTIRISH MEXANIZMLARI

Abstract

Mazkur maqolada raqamli mediamakon sharoitida milliy musiqiy merosni targ‘ib qilish orqali jamiyatda axborot madaniyatini shakllantirishning nazariy va amaliy jihatlari ilmiy jihatdan tahlil qilingan. Globallashuv jarayonlari, axborot texnologiyalarining jadal rivojlanishi hamda raqamli platformalarning keng tarqalishi natijasida madaniy kontentning jamiyat ongiga ta’sir ko‘rsatish imkoniyatlari tobora ortib bormoqda. Tadqiqotda milliy musiqa insonning ma’naviy dunyoqarashi, estetik tafakkuri va milliy o‘zligini shakllantiruvchi muhim ijtimoiy-madaniy omil sifatida baholanadi. Shuningdek, raqamli platformalarda milliy musiqiy merosni ommalashtirish, yosh avlodning axborot iste’moli madaniyatini rivojlantirish hamda xorijiy madaniy ta’sirlarga nisbatan barqarorlikni ta’minlash mexanizmlari yoritilgan. Maqolada milliy musiqiy kontentni raqamlashtirish, zamonaviy media vositalari orqali targ‘ib qilish va axborot madaniyatini rivojlantirishdagi o‘rni ilmiy jihatdan asoslangan.