KOMPETENSIYAVIY YONDASHUV ASOSIDA O‘QUVCHILARNING MUSTAQIL FIKRLASHINI RIVOJLANTIRISHNING NAZARIY-METODIK ASOSLARI

Abstract

Mazkur maqolada zamonaviy ta’lim jarayonida o‘quvchilarning mustaqil va tanqidiy fikrlashini rivojlantirish muammosi kompleks tarzda tahlil qilinadi. Tadqiqotda mustaqil fikrlash tushunchasining mohiyati, uning o‘quv faoliyatidagi o‘rni hamda shaxs kamolotidagi ahamiyati yoritilgan. Shuningdek, interfaol metodlar, muammoli ta’lim, differensial va qobiliyatga yo‘naltirilgan yondashuvlar asosida o‘quvchilarning fikrlash kompetensiyalarini shakllantirishning samarali pedagogik mexanizmlari ko‘rib chiqiladi. Maqolada ta’lim jarayonida o‘qituvchining fasilitatorlik roli, o‘quvchilarning ijodiy faolligini oshirish hamda ularning o‘z-o‘zini baholash ko‘nikmalarini rivojlantirish masalalariga alohida e’tibor qaratilgan. Tadqiqot natijalari ta’lim samaradorligini oshirish, o‘quvchilarning mustaqil qaror qabul qilish va muammolarni hal etish kompetensiyalarini rivojlantirishda muhim ilmiy-amaliy ahamiyatga ega.