“QALMOQIR VA YOSHLIK I KONLARINING GEOLOGIK-TEKTONIK O‘XSHASHLIGI VA FARQLARI: TAQQOSLOV TAHLIL”

Abstract

Ushbu maqolada O‘zbekistonning yirik porfir mis konlari — Qalmoqir va Yoshlik I konlarining geologik tuzilishi, tektonik rivojlanish xususiyatlari va ma’danlarning shakllanish jarayonlari taqqoslov asosida o‘rganildi. Har ikki kon Olmaliq tog‘-metallurgiya kombinati hududida joylashgan bo‘lib, geologik-stratigrafik kesimlar, metasomatik o‘zgarishlar, intruziv massalar va tektonik uzilishlarning morfologiyasi ilmiy manbalar hamda geologiya hisobotlari asosida tahlil qilindi. Mineralizatsiya zonalari, ma’dan tarkibining gorizontlar bo‘yicha o‘zgarishi, litologik murakkablik darajalari va qazib olish texnologiyalariga ta’sir qiluvchi omillar kompleks ko‘rib chiqildi. Tahlil natijalari Qalmoqir koni chuqur o‘rganilgan klassik porfir konlari qatoriga kirsa, Yoshlik I koni zamonaviy geologik-tektonik jarayonlar ta’sirida shakllangan, nisbatan murakkab struktura bilan ajralib turishini ko‘rsatdi.