RAQAMLI IQTISODIYOTNING RIVOJLANISHIDA TA’LIM TIZIMINING O‘RNI: METODOLOGIK YONDASHUVLAR VA AMALIY MISOLLAR

Abstract

Ushbu maqola raqamli iqtisodiyot va ta’lim tizimi o‘rtasidagi o‘zaro bog‘liqlikni tadqiq qiladi. Raqamli iqtisodiyot mavjud iqtisodiy munosabatlarni zamonaviy texnologiyalar, raqamli platformalar va innovatsion biznes modellar orqali transformatsiya qilishni anglatadi. Tadqiqotda tahlil va sintez, taqqoslama tahlil, kontent-tahlil, tizimli yondashuv hamda empirik kuzatuv metodlaridan foydalanilgan. O‘zbekiston tajribasi asosida masofaviy ta’lim, “Onlayn maktab” loyihasi va Learning Management System (LMS) platformalarining joriy etilishi misol tariqasida keltirilgan. Tadqiqot natijalari shuni ko‘rsatadiki, raqamli iqtisodiyotning barqaror rivojlanishi ta’lim tizimida raqamli savodxonlik, tanqidiy fikrlash va innovatsion tafakkurni shakllantirish bilan chambarchas bog‘liq. Shuningdek, hayot davomida ta’lim olish (lifelong learning) konsepsiyasi, qisqa muddatli malaka oshirish kurslari va ingliz tili kompetensiyalarini rivojlantirish raqamli iqtisodiyotni rivojlantirishning muhim shartlari sifatida ajratilgan.