BOLALAR UCHUN MILLIY MEDIA KONTENT : RAQAMLI DAVRDA TALAB VA TARBIYAVIY YONDASHUVLAR

Abstract

Ushbu maqolada globallashuv va raqamli transformatsiya sharoitida bolalar ommaviy axborot vositalarining milliy qadriyatlarni shakllantirishdagi o‘rni tahlil qilinadi. Bolalar uchun mo‘ljallangan OAVning asosiy vazifasi — yosh avlodni milliy o‘zlik, til, madaniyat va urf-odatlarga hurmat ruhida tarbiyalash, shu bilan birga zamonaviy media talablari bilan uyg‘unlikda rivojlantirishdan iborat ekani yoritilgan. " Bolajon " telekanali  va  “Bek va Lola” multiseriali misolida milliylikning zamonaviy media formatlarida ifodalanish usullari ko‘rsatilib, bolalar ongida milliy identitet, axloqiy fazilatlar hamda estetik didni shakllantirishdagi ahamiyati ochib berilgan. Shuningdek, ota-onalar o‘rtasida o‘tkazilgan so‘rovnoma natijalari asosida milliy kontentga bo‘lgan ehtiyoj, uning sifati va dolzarbligi tahlil qilinib, soha rivoji uchun amaliy takliflar ilgari surilgan. Tadqiqot natijalari bolalar uchun milliy media kontentni yaratishda psixologik, tarbiyaviy va texnologik yondashuvlarning uyg‘unligi zarurligini ko‘rsatadi.