O‘ZBEK TILIDAGI JO‘NALISH KELISHIGI VA KOREYS TILIDAGI UNGA MOS QO‘SHIMCHALAR TAHLILI

Abstract

Ushbu maqola o‘zbek tilidagi jo‘nalish kelishigi va koreys tilidagi unga muvofiq shakllarning qiyosiy tahliliga bag‘ishlangan. Maqolada har ikki tilda harakatning yo‘nalishini, manzilini yoki shaxsga qaratilganligini ifodalovchi grammatik vositalarning o‘xshash va farqli jihatlari yoritilgan. Tadqiqotda o‘zbek tilidagi “-ga, -ka, -qa” qo‘shimchalari bilan koreys tilidagi “-에, -에게, -한테, -으로, -로” shakllarining ma’no va funksional jihatdan qiyoslanishi amalga oshirilgan. Bundan tashqari, bu shakllarning fe’l bilan bog‘lanish xususiyatlari va ularning gapdagi sintaktik o‘rni tahlil etilgan.