BOSHLANG‘ICH SINF O‘QUVCHILARIDA TARBIYA DARSLARIDA GENDER TENGLIK TUSHUNCHALARINI SHAKLLANTIRISH

Abstract

So‘nggi to‘rt yilda xotin-qizlar va erkaklar uchun teng huquq hamda imkoniyatlarga erishish, jamiyat va davlat ishlarini boshqarishda ularning teng ishtirok etishini ta’minlash, xotin-qizlarni ijtimoiy-huquqiy jihatdan qo‘llab-quvvatlash, shuningdek, xotin-qizlarni tazyiq va zo‘ravonliklardan himoya qilishga qaratilgan keng ko‘lamli islohotlar amalga oshirildi.  Gender tenglik masalasi davlat siyosati darajasiga ko‘tarilib, sohaga oid 25 ta qonunchilik hujjati qabul qilindi. Xotin-qizlarning jamiyatdagi rolini oshirish, gender tenglik va oila masalalari bo‘yicha respublika komissiyasi, O‘zbekiston Respublikasi Oliy Majlisi Senatida Xotin-qizlar va gender tenglik masalalari qo‘mitasi tashkil etildi. Belgilansinki, Gender strategiyasini 2023 — 2030 yillarda bosqichma-bosqich amalga oshirish uchun har yilda alohida-alohida kompleks chora-tadbirlar dasturlari tasdiqlanadi.Jamiyatning har tomonlama rivojlanishida xotin-qizlar va erkaklar uchun teng huquq hamda imkoniyatlarni ta’minlash muhim ahamiyat kasb etadi. O‘zbekistonda bu masalaga davlat siyosati darajasida e’tibor qaratilib, 2030 yilga qadar gender tenglikka erishish strategiyasi kabi muhim hujjatlar qabul qilingan. Ushbu maqolada  farzandlarimizda gender tenglik madaniyatini kichik yoshdanoq shakllantirish, ularning ongida o‘g‘il va qiz bolalarga nisbatan hurmat, o‘zaro tushunish va tenglik tamoyillarini singdirish bugungi kun ta’lim-tarbiyasining dolzarb vazifalari haqida fikr yuritilgan.