SCAFFOLDING TEXNIKASINI TALABA VA O'QITUVCHI O‘RTASIDAGI MUNOSABATLARDAGI ROLI VA AHAMIYATI

Abstract

Mazkur maqolada scaffolding[1] texnikasi yordamida talaba va o‘qituvchi o‘rtasidagi munosabatlar tahlil qilinadi. Skaffolding texnikasi, o‘qituvchining talabaga o‘qish jarayonida vaqtinchalik yordam ko‘rsatish va bosqichma-bosqich mustahkamlashtirishni o‘z ichiga oladi. Bu usul talabaning bilim va ko'nikmalarini rivojlantirishda muhim rol o‘ynaydi. Maqolada bu metodning samarali qo‘llanilishi orqali o‘qituvchi va talaba o‘rtasidagi o‘zaro aloqalar, ishonch va hamkorlikni qanday yaxshilash mumkinligi ko‘rsatilgan. Maqola, o‘qituvchi talabaning hozirgi darajasiga mos ravishda yordam berishi, kerakli paytda mustahkamlashlarni amalga oshirishi va muammolarni hal qilishda talabaga o‘z kuchiga tayanishga imkon yaratishi zarurligini ta‘kidlaydi. Skaffolding texnikasi orqali talaba, mustaqil ravishda fikr yurita olish, murakkab vazifalarni bajara olish va o‘z o‘qish jarayonini boshqarish ko‘nikmalarini rivojlantiradi. O‘qituvchi esa, bu jarayonni to‘g‘ri boshqarib, talabaning ishonch va bilimlarini rivojlantirishi mumkin. Maqola pedagogik amaliyotda scaffolding texnikasining talabalarga bilim olishda qanchalik samarali va muhim ekanligini ko‘rsatadi. Bu metod, o‘qituvchi va talaba o‘rtasida samarali munosabatlarni rivojlantirishda hamda ta‘lim jarayonini yaxshilashda muhim ahamiyatga ega.

[1] Scaffolding – inglizcha so‘z bo`lib, xorijiy tilni dastlabki bosqichida o‘rganayotgan talabada kechadigan qo‘rquvni yengishda o‘qituvchi tomonidan beriladigan  ko‘mak ma’nosini bildiradi.