GLOBALLASHUVNING YOSHLARGA TA’SIRI

Abstract

Mazkur maqolada globallashuv jarayonining yoshlar ongiga, ijtimoiy hayotdagi ishtirokiga, qadriyatlar tizimi va identitetiga ta’siri tahlil qilingan. Muallif yosh avlodning globallashuv oqimida duch kelayotgan imkoniyatlar va tahdidlarni ko‘rsatib, ular orasida tafakkur erkinligi, axborotga bo‘lgan ochiqlik, ta’lim imkoniyatlarining kengayishi kabi ijobiy jihatlar bilan bir qatorda, madaniyatsizlik, milliylikdan yiroqlashish va axloqiy-insoniy qadriyatlar zaiflashuvi kabi salbiy omillarni ham yoritgan. Tadqiqot davomida zamonaviy axborot-kommunikatsiya texnologiyalari va ommaviy madaniyatning yoshlar hayotidagi o‘rni, ularning ongiga ta’siri, ijtimoiy moslashuv jarayonidagi o‘zgarishlar tahlil etilgan. Maqolada yoshlarni globallashuv sharoitida mustaqil fikrlaydigan, madaniy va milliy qadriyatlarni qadrlaydigan yetuk shaxs sifatida tarbiyalash zarurligi asoslab beriladi.