TA'LIMDAGI RAQAMLI TRANSFORMATSIYA VA UNING GLOBAL REYTINGLARGA TA'SIRI

Abstract

Maqola ta’limdagi raqamli transformatsiya jarayonlarini tahlil qilish va uning global reytinglarga ta’sirini o‘rganishga bag‘ishlangan. Ta’lim tizimida raqamli texnologiyalarni joriy etish o‘quvchilarga yangi imkoniyatlar yaratadi, o‘qituvchilarni esa yanada samarali ishlashga undaydi. Maqolada ta’limning raqamli transformatsiyalashuvi, onlayn ta’lim platformalari, masofaviy o‘qish, virtual sinflar, sun’iy intellekt va boshqa innovatsion texnologiyalarning ta'lim tizimiga qo‘llanilishi tahlil qilingan. Bundan tashqari, maqolada global reytinglar, universitetlarning ilmiy salohiyati, ta’limning sifatini oshirishga qaratilgan raqamli transformatsiya jarayonining ahamiyati ko‘rib chiqiladi. O‘zbekiston ta’lim tizimida raqamli transformatsiyaning joriy etilishi va uning global reytinglarga ta’siri ham tadqiq etilgan. Maqola, shuningdek, ta’lim tizimida raqamli innovatsiyalarni qo‘llash orqali universitetlarning xalqaro reytinglarda qanday muvaffaqiyatlarga erishishi mumkinligini ko‘rsatadi.