ASTIGMATIZM: SABABLARI, DIAGNOSTIKASI VA DAVOLASH USULLARI.

Abstract

Astigmatizm ko‘rish qobiliyatiga ta’sir ko‘rsatadigan keng tarqalgan refraksion nuqsonlardan biri. Bu kasallik kornea yoki ko‘z linzasining notekis shakli tufayli yuzaga keladi, natijada yorug‘lik to‘lqinlari to‘g‘ri fokuslanmaydi va ko‘rish noaniq bo‘ladi. Dunyo aholisining 30-60% qismi astigmatizmdan aziyat chekadi. Maqolada astigmatizmning sabablari, turlari, diagnostik va davolash usullari batafsil yoritilgan. Korneal va lentikulyar turlari, shuningdek, miopik va gipermetropik kabi murakkab shakllari muhokama qilinadi. Diagnostik usullar orasida refraksion tekshiruv, keratometriya va ko‘z topografiyasi kabi zamonaviy usullar yoritilgan. Davolash usullari sifatida ko‘zoynaklar, kontakt linzalar, LASIK va PRK kabi lazerli jarrohlik usullari ko‘rib chiqilgan. Shu bilan birga, astigmatizm profilaktikasi va ko‘z sog‘ligini saqlash bo‘yicha muhim tavsiyalar keltirilgan. Ushbu maqola astigmatizm haqida to‘liq va tizimli ma’lumotlar to‘plami hisoblanib, mutaxassislar va umumiy omma uchun foydali manbadir.