“SUSTAINABLE DEVELOPMENT GOALS”DA BELGILANGAN VAZIFALAR IJROSINI TA’MINLASHDA INVESTITSIYALARNING O‘RNI

Abstract

Mazkur tezisda barqaror rivojlanish (Sustainable Development) maqsadlariga erishishda investitsiyalarning iqtisodiy, ijtimoiy va ekologik ahamiyati tadqiq etilgan. Barqaror rivojlanishning asosiy yo‘nalishlari sifatida kambag‘allikni qisqartirish, munosib bandlikni ta’minlash, sifatli ta’lim va tibbiy xizmatlardan foydalanish imkoniyatlarini kengaytirish, infratuzilmani rivojlantirish, innovatsiyalarni qo‘llab-quvvatlash hamda atrof-muhitni muhofaza qilish masalalari ko‘rib chiqilgan. Investitsiyalarni ushbu yo‘nalishlarga yo‘naltirish orqali iqtisodiy o‘sishning uzoq muddatli va inklyuziv xarakterini ta’minlash imkoniyatlari tahlil qilingan. Shuningdek, O‘zbekistonda barqaror rivojlanish maqsadlarini amalga oshirishda yashil investitsiyalar, xorijiy investitsiyalar, davlat-xususiy sheriklik va innovatsion investitsiyalarning o‘rni yoritilgan. Tadqiqot natijasida investitsiya siyosatini BMTning Barqaror rivojlanish maqsadlari bilan uzviy bog‘lash bo‘yicha ilmiy-amaliy takliflar ishlab chiqilgan.