ZAMONAVIY OILADA MILLIY QADRIYATLAR VA ZAMONAVIY QARASHLAR UYG'UNLIGI

Abstract

Muallifning asosiy yondashuvi - zamonaviy oilada milliy qadriyatlar va zamonaviy qarashlarning o‘zaro uyg‘unlashuvi masalasi maqolamizda tahlil qilinadi. Oila shaxsning ma’naviy-axloqiy qarashlari, xulq-atvori va ijtimoiy munosabatlari shakllanadigan birlamchi muhit sifatida yoritiladi. Tadqiqotimda oilaning tizim sifatidagi xususiyatlari, undagi o‘zaro hurmat, hissiy yaqinlik, muloqot, oilaviy mas’uliyat va moslashuvchanlik kabi omillarning ahamiyati ochib beriladi. Shuningdek, milliy urf-odatlar, an’analar, kattalarga hurmat, oila birligi kabi qadriyatlarni saqlash bilan bir qatorda, zamonaviy ta’lim, mustaqil fikrlash, teng huquqlilik, ayollarning ijtimoiy faolligi va yangi bilim hamda texnologiyalarga ochiqlikni rivojlantirish zarurligi asoslanadi. Oilaviy muhitda milliy va zamonaviy qadriyatlarning muvozanatli uyg‘unligi oila barqarorligini mustahkamlash, farzandlarning barkamol rivojlanishi va jamiyatda ijtimoiy mas’uliyatli shaxslarni tarbiyalashning muhim sharti sifatida baholanadi. Maqolamizda oilaning o‘zgaruvchan ijtimoiy sharoitlarga moslashishi va ayni vaqtda milliy o‘zlikni saqlab qolishi zamonaviy oilaning muhim vazifalaridan biri ekanligi ta’kidlanadi.