KELAJAK MARKAZLARDA QO‘SHIMCHA TA’LIMNI RIVOJLANTIRISH

Abstract

So‘nggi yillarda “Kelajak” markazlarida qo‘shimcha ta’limni rivojlantirishning tashkiliy-pedagogik jihatlari oshib bormoqda. Tadqiqotimizda maktabdan tashqari ta’lim tizimini yangilash jarayonida “Kelajak” markazlarining o‘rni, faoliyat yo‘nalishlari va bolalarning bo‘sh vaqtini mazmunli tashkil etish imkoniyatlari tahlil qilinadi. Shuningdek, markazlarda ilm-fan, xorijiy tillar, kitobxonlik, madaniyat va san’at, kasb-hunar, axborot texnologiyalari, sport hamda boshqa yo‘nalishlarda to‘garaklarni tashkil etishning pedagogik ahamiyatiga e’tibor qaratiladi. Yurtimizda malakali mutaxassislar va nodavlat ta’lim tashkilotlarini jalb etish, to‘garaklarni zamonaviy yagona dasturlar asosida takomillashtirish, chuqurlashtirilgan mashg‘ulotlarni yo‘lga qo‘yish hamda inklyuziv ta’lim imkoniyatlarini kengaytirish qo‘shimcha ta’lim sifatini oshiruvchi muhim omillar sifatida baholanadi. Maqolamizda “Kelajak” markazlarini moddiy va metodik jihatdan qo‘llab-quvvatlash, pedagoglarni rag‘batlantirish, ota-onalar bilan hamkorlikni kuchaytirish va o‘quvchilarning individual qiziqishlariga mos ta’lim xizmatlarini shakllantirish masalalari ham ko‘rib chiqiladi. Tadqiqotimiz natijalari shundan iboratki, “Kelajak” markazlari faoliyatini samarali tashkil etish orqali yoshlarning intellektual, ijodiy, kasbiy va jismoniy salohiyatini rivojlantirish uchun keng pedagogik imkoniyatlar mavjudligini ko‘rsatadi.