XALQARO TA’LIM MENEJMENTINING O‘ZBEKISTON OLIY TA’LIM TIZIMIGA TRANSFORMATSIYASI

Abstract

Mazkur maqolada xalqaro ta’lim menejmentining zamonaviy tamoyillari va ularning O‘zbekiston oliy ta’lim tizimiga transformatsiyasi masalalari tahlil qilinadi. Unda oliy ta’limni boshqarishda strategik rejalashtirish, akademik va institutsional avtonomiya, ta’lim sifatini ta’minlash, raqamli boshqaruv, xalqaro hamkorlik, inson kapitalini rivojlantirish hamda ta’lim xizmatlarining mehnat bozori talablariga mosligini ta’minlash kabi yo‘nalishlarning ahamiyati yoritilgan. Shuningdek, xalqaro tajribaning O‘zbekiston oliy ta’lim tizimiga joriy etilishi natijasida boshqaruvning an’anaviy ma’muriy modelidan samaradorlik, natijadorlik va sifatga yo‘naltirilgan zamonaviy modelga o‘tish jarayoni ko‘rib chiqilgan. Maqolada xalqaro standartlarni milliy ta’lim tizimining o‘ziga xos xususiyatlari bilan uyg‘unlashtirish, oliy ta’lim muassasalarining raqobatbardoshligini oshirish va ta’lim sifatini xalqaro mezonlar asosida takomillashtirish istiqbollari yuzasidan xulosalar berilgan.