TALABALARNING UNIVERSITET TA’LIM MUHITIGA MOSLASHUVIGA TA’SIR QILUVCHI TA’LIMIY OMILLAR

Abstract

Ushbu maqolada talabalarning akademik moslashuviga ta’lim yo‘nalishlarining ta’siri R. Shamionovning “Akademik moslashuv” metodikasi va Krusskal-Uollis mezoni asosida o‘rganilgan (n=542). Natijalarga ko‘ra, tabiiy fanlar talabalari aksariyat moslashuv komponentlari bo‘yicha eng yuqori ko‘rsatkichni namoyon etdi. Aniq fanlar talabalarida psixofiziologik chidamlilik yuqori bo‘lsada, muloqot va motivatsiyada qiyinchiliklar aniqlandi. Ijtimoiy-gumanitar yo‘nalish talabalarida esa psixofiziologik zo‘riqish yuqoriligi kuzatildi. Tadqiqot xulosalari har bir yo‘nalish xususiyatidan kelib chiqib psixologik yordam ko‘rsatish zarurligini ko‘rsatadi.