Keywords
Abstract
Sut bezi saratoni ayollar orasida eng ko‘p uchraydigan onkologik kasalliklardan biri hisoblanadi. Davolash usullarining takomillashganiga qaramay, ayrim bemorlarda lokoregionar retsidiv kuzatiladi. Lokoregionar retsidiv – bu o‘smaning operatsiya qilingan sut bezi, ko‘krak devori yoki mintaqaviy limfa tugunlarida qayta paydo bo‘lishidir. Ushbu holat bemorlarning yashash davomiyligi va hayot sifatiga salbiy ta’sir ko‘rsatadi.
Lokoregionar retsidiv rivojlanishiga o‘smaning biologik xususiyatlari, limfa tugunlarining zararlanishi, rezeksiya chegaralarining musbat bo‘lishi hamda tizimli davolashning yetarli darajada o‘tkazilmaganligi sabab bo‘lishi mumkin. Kasallikni aniqlashda klinik ko‘rik, mammografiya, ultratovush tekshiruvi, magnit-rezonans tomografiya (MRT), kompyuter tomografiyasi (KT) va biopsiya muhim ahamiyatga ega.
Davolash taktikasi individual ravishda belgilanadi va jarrohlik davolash, nur terapiyasi, kimyoterapiya, gormonterapiya hamda nishonli (target) terapiyani o‘z ichiga oladi. Multidissiplinar yondashuv qo‘llanilganda davolash samaradorligi oshadi va uzoq muddatli natijalar yaxshilanadi.