XITOY TILIDA 助(zhù) IYEROGLIFI QATNASHGAN IBORALAR TAHLILI

Abstract

Mazkur maqolada xitoy tilidagi iboralar, ularning kelib chiqish tarixi hamda manbalari haqida ma’lumot beriladi. Shuningdek, aynan 助 (zhu) iyeroglifi ishtirok etgan bir qator iboralar misol tariqasida keltiriladi. Ushbu iboralar semantik va tuzilish jihatdan tahlil qilinadi.Xitoy tili uzoq tarixga ega bo‘lgan eng qadimiy tillardan biri bo‘lib, bu uning lug‘at boyligida iboralarning ko‘pligi bilan izohlanadi. Ma’lumki, xitoy xalqi nutqda iboralardan juda faol foydalanadi, bu esa nutqning yanada obrazli va ta’sirchan bo‘lishini ta’minlaydi. Xitoy tilidagi iboralar tizimi o‘zining o‘ziga xosligi va qadimiyligi bilan boshqa tillardan ajralib turadi.Maqolada tanlangan 助 iyeroglifi “yordam berish”, “ko‘maklashish” ma’nolarini ifodalaydi va u qatnashgan ko‘plab iboralar mavjud. Ushbu maqola xitoy tilini o‘rganayotgan yoshlar hamda tilshunoslar uchun foydali manba bo‘lib xizmat qiladi.