SA’DUDDIN TAFTAZONIYNING MA’ONIY ILMI TA’RIFIGA MUNOSABATI

Abstract

Ushbu tezisda Taftazoniyning balog‘at ilmining muhim bo‘limi hisoblanmish ma’oniy ilmi ta’rifiga bo‘lgan munosabatini tahlil qilindi. Allomaning “al-Mutavval” va “Muxtasar al-ma’oni” asarlariga asoslanib, uning ma’oniy ilmini oldingi olimlar (Sakkokiy, Qazviniy, Abdulqohir Jurjoniy va Zamaxshariy) asosida qanday qabul qilgani, aniqlashtirgani va rivojlantirgani ko‘rib chiqildi. Tezisda Taftazoniyning ma’oniy ilmini nutqning maqsadga mosligi, vaziyat talablariga mos kelishi va ma’no yetkazish san’ati sifatida ta’riflagani, shuningdek, uning sharhlarida qo‘llagan usullari batafsil ochib berildi. Tadqiqot ishida tarixiy-tahliliy va qiyosiy metodlarga tayanilgan. Natijada, Taftazoniyning ma’oniy ilmi ta’rifiga munosabati nafaqat merosni saqlash, balki uni madrasa ta’limi uchun amaliy qo‘llanma darajasiga ko‘tarishda muhim rol o‘ynagani isbotlandi. Tezis sharqshunoslik, filologiya va islomshunoslik yo‘nalishidagi talabalar uchun foydali manba bo‘lib hizmat qiladi.