“O‘ZBEK VA INGLIZ TILLARIDA BOLA KONSEPTINING QIYOSIY LINGVOKOGNITIV TAHLILI.”

Abstract

Bola tushunchasi har qanday xalqning tilida va madaniyatida muhim o‘rin egallaydi. U nafaqat inson hayotining biologik bosqichini, balki chuqur ma’naviy, ijtimoiy va madaniy qadriyatlarni ham ifodalaydi. Ushbu maqolada ingliz va o‘zbek tillarida bola konseptining ifodalanishi lingvokognitiv va qiyosiy jihatdan tahlil qilinadi. Tadqiqot davomida child va bola so‘zlari bilan bog‘liq leksik birliklar, frazeologik ifodalar, maqollar hamda badiiy adabiyot namunalari asosida ushbu tushunchaning madaniy va kognitiv mazmuni yoritiladi. Tahlil natijalari shuni ko‘rsatadiki, har ikkala til ham bolalikni poklik, o‘sish, mehr va g‘amxo‘rlik bilan bog‘lasada, ularning madaniy talqini turlicha yo‘nalishda namoyon bo‘ladi. Ingliz tilida bola ko‘proq mustaqil shaxs sifatida tasavvur qilinsa, o‘zbek madaniyatida u oila va jamiyat bilan uzviy bog‘liq bo‘lgan ma’naviy boylik sifatida qaraladi.