ALEKSANDR FAYNBERG-QALBI OʻZBEK SHOIR

Abstract

Mazkur maqolada Aleksandr Faynberg ijodining badiiy-estetik xususiyatlari hamda uning o‘zbek va rus adabiy jarayonidagi o‘rni ilmiy-nazariy jihatdan tahlil etiladi. Tadqiqotda shoir she’riyatining mavzu doirasi, obrazlar tizimi va poetik tafakkur tamoyillari kompleks yondashuv asosida o‘rganiladi. Faynberg asarlarida insonparvarlik, vatanparvarlik, muhabbat va hayot falsafasi kabi umuminsoniy g‘oyalarning ifodalanish shakllari aniqlanadi. Shuningdek, uning badiiy til va uslubidagi o‘ziga xosliklar poetik vositalar tahlili orqali asoslab beriladi. Maqolada shoirning tarjimonlik faoliyati hamda adabiy aloqalar rivojiga qo‘shgan hissasi alohida e’tibor markaziga olinadi. Faynberg ijodining milliy va madaniy kontekst bilan uzviy bog‘liqligi qiyosiy-tahliliy metod asosida yoritiladi. Tadqiqot natijalari shoir merosining zamonaviy adabiyotshunoslikdagi ahamiyatini belgilash hamda uning adabiy-estetik qarashlarini chuqurroq anglashga xizmat qiladi.