Keywords
Abstract
Ushbu maqolada Sh.M.Mirziyoyev prezidentlik faoliyatining birinchi muddati boshidan boshlab, sovet davridan keyingi davrda O‘zbekiston jamiyatini demokratlashtirish elementlarini bosqichma-bosqich joriy etishning o‘ziga xos xususiyatlari, umumqabul qilingan jahon amaliyoti bilan taqqoslash asosida umumiy tahlil qilingan. Jamiyatning mamlakatdagi asosiy jarayonlarga ta’sirini kuchaytirish masalasi qat’iy ma’muriy-boshqaruv nazorati sharoitida shakllanish bosqichidan boshlab, ijtimoiy hayotning barcha jihatlarini erkinlashtirish chora-tadbirlari va nihoyat, davlat apparati faoliyati ustidan jamoatchilik nazoratini kuchaytirish bo‘yicha belgilangan vazifalar bosqichma-bosqich ko‘rib chiqilgan. Rasmiy axborot siyosatini isloh qilishning o‘ziga xos xususiyatlari, uning hokimiyat va saylovchilar o‘rtasidagi o‘zaro ta’sir va muloqot vositasi sifatidagi ahamiyati nuqtai nazaridan alohida tahlil qilingan. Davlatni isloh qilish siyosatining o‘ziga xos xususiyatlariga to‘xtalib o‘tilgan. Fuqarolarning huquqiy kompetensiyasini konstruktiv yo‘nalishdagi asosiy demokratik talablarga muvofiqlashtirish uchun quyidagi shartlar belgilandi: o‘zini to‘laqonli fuqaro sifatida namoyon etish va o‘z huquq hamda erkinliklarini himoya qilish mexanizmlaridan foydalanish, shuningdek, o‘z fuqarolik pozitsiyasi va mustaqil fikrini erkin ifoda etish uchun zarur sharoitlarni yaratish.