XVII-XIX ASRLARDA BUXORO AMIRLIGIDAGI DAVLAT BOSHQARUV TIZIMI VA IJTIMOIY JARAYONLAR

Abstract

So‘nggi yillarda O‘rta Osiyo tarixini chuqur va kompleks tahlil qilishga bo‘lgan ilmiy qiziqish kuchayib bormoqda. Aynan bu qiziqishlar orqali tariximizga bo’lgan intilish ham ortib bormoqda. Ayniqsa, XVII–XIX asrlarda Buxoro amirligida shakllangan davlat boshqaruv tizimi va ijtimoiy jarayonlarni o‘rganish mintaqaning siyosiy, ijtimoiy hamda madaniy taraqqiyotini anglashda muhim ilmiy ahamiyat kasb etadi. Mazkur tadqiqotda mang‘itlar sulolasi hukmronligi davrida Buxoro amirligining siyosiy boshqaruv mexanizmlari, markazlashuv jarayonlari, amir hokimiyatining mohiyati hamda ma’muriy apparat faoliyati tarixiy manbalar asosida tahlil qilinadi. Shuningdek, jamiyatning ijtimoiy tuzilmasi, ijtimoiy qatlamlar o‘rtasidagi munosabatlar, feodal tarqoqlik, xalq qo‘zg‘olonlari, diniy va etnik guruhlarning jamiyatdagi o‘rni yoritib beriladi.