ÒSMIRLARDAGI AGRESSIV XULQ-ATVORNI VUJUDGA KELTIRUVCHI PEDAGOGIK-PSIXOLOGIK OMILLAR

Abstract

Mazkur maqolamda o‘smirlarda agressiv xulq-atvorning vujudga kelishiga ta’sir etuvchi pedagogik-psixologik omillar kompleks tarzda tahlil qilinadi. O‘smirlik davrining shaxs rivojlanishidagi muhim bosqich ekanligi, ushbu davrda emotsional beqarorlik, o‘zini namoyon etishga intilish, mustaqillikka ehtiyoj, tengdoshlar ta’sirining kuchayishi hamda kattalar bilan munosabatlardagi ziddiyatlar agressiv xatti-harakatlarning shakllanishiga sabab bo‘lishi mumkinligi yoritiladi. Tadqiqotda oilaviy muhit, ota-ona va farzand o‘rtasidagi munosabatlar, pedagogik muloqotning xarakteri, ta’lim muassasasidagi psixologik muhit, tengdoshlar guruhi, tarbiyaviy ta’sirning izchilligi hamda zamonaviy axborot va media makonining o‘smirlar xulq-atvoriga ta’siri asosiy omillar sifatida ko‘rib chiqiladi. Shuningdek, agressiv xulq-atvorning oldini olishda o‘smirlarning emotsional holatini qo‘llab-quvvatlash, ijobiy muloqot muhitini yaratish, konfliktlarni konstruktiv hal qilish ko‘nikmalarini shakllantirish, pedagogik va psixologik hamkorlikni kuchaytirish hamda individual yondashuvdan foydalanishning ahamiyati asoslanadi.