TALABALARDA AXBOROT MADANIYATINI RIVOJLANTIRISH MEZONLARI VA KO‘RSATKICHLARINI TAKOMILLASHTIRISH

Abstract

Mazkur maqolada oliy ta’lim muassasalari talabalarida axborot madaniyatini rivojlantirish mezonlari va ko‘rsatkichlarini takomillashtirishning pedagogik asoslari tahlil qilingan. Axborotlashgan jamiyat sharoitida bo‘lajak mutaxassislarning axborot bilan ishlash kompetensiyalarini rivojlantirish, ularni raqamli ta’lim muhitiga moslashtirish hamda axborot resurslaridan samarali foydalanish ko‘nikmalarini shakllantirish zamonaviy pedagogikaning dolzarb vazifalaridan biri hisoblanadi. Tadqiqotda motivatsion, kognitiv va konativ mezonlar asosida axborot madaniyatini baholashning takomillashtirilgan tizimi ishlab chiqilgan. Har bir mezonning ko‘rsatkichlari aniqlashtirilib, ularni diagnostika qilishning pedagogik yondashuvlari tavsiflangan. Shuningdek, mezonlar o‘rtasidagi o‘zaro bog'liqlik, ularning pedagogik mexanizmlar bilan integratsiyasi hamda axborot madaniyatini rivojlantirish samaradorligini baholash imkoniyatlari ilmiy jihatdan asoslangan. Tadqiqot natijalari oliy ta’lim muassasalarida axborot madaniyatini rivojlantirish jarayonini loyihalash va monitoring qilishda metodik asos bo‘lib xizmat qiladi.