GIPERTONIYADA ISHLATILADIGAN DORI MODDALAR TA'SIRINI O‘RGANISH

Abstract

Mazkur tezisda gipertoniyada qo‘llaniladigan farmakologik vositalarning umumiy ta'sir mexanizmlari, ularning arterial bosimni pasaytirishdagi ahamiyati hamda yurak-qon tomir tizimiga ta'siri o‘rganilgan. Tadqiqotda gipertenziya kasalligining patofiziologik asoslari, qon tomir tonusi, yurak faoliyati va periferik qarshilikka ta’sir qiluvchi asosiy mexanizmlar tahlil qilindi. Gipertoniyani davolashda qo‘llaniladigan vositalarning ta'siri simpatik nerv tizimi faoliyatini pasaytirish, qon tomirlarni kengaytirish, yurakning qisqarish kuchini kamaytirish hamda organizmda suyuqlik hajmini kamaytirishga qaratilganligi ko‘rsatib berildi. Ushbu vositalarning kompleks ta’siri arterial bosimni me’yorga keltirish, asoratlar rivojlanishining oldini olish hamda bemorlarning hayot sifatini yaxshilashda muhim ahamiyatga ega.

Shuningdek, gipertoniyada dori vositalarining ta’sir mexanizmlarini chuqur o‘rganish samarali davolash strategiyalarini ishlab chiqish va individual davolash yondashuvlarini tanlash imkonini berishi ta’kidlandi.