UMUMIY O‘RTA TA’LIM TIZIMIDA RAQAMLI INFRATUZILMA VA ELEKTRON PLATFORMALARDAN FOYDALANISH HOLATINING IQTISODIY-PEDAGOGIK TAHLILI

Abstract

Maqolada O‘zbekiston umumiy o‘rta ta’lim tizimining raqamli tayyorgarlik darajasi rasmiy statistika, vazirlik hisobotlari, normativ ko‘rsatkichlar va xalqaro baholashlar asosida tahlil qilingan. Tadqiqotning maqsadi — raqamli infratuzilma hamda elektron platformalar qamrovi bilan ta’lim natijalari o‘rtasidagi nisbatni aniqlash. Ikkilamchi ma’lumotlar tahlili, nisbat va tafovut (gap) tahlili metodlari qo‘llanilgan. Natijalar shuni ko‘rsatadiki, tizimda qamrov ko‘rsatkichlari yuqori (internetga ulanish — 94,8%, onlayn choraklik baholash — 97,13%, eMaktab platformasi — 10 700 dan ortiq maktab), biroq sifat ko‘rsatkichlari ortda qolmoqda: o‘rtacha internet tezligi normativ talabning 28,8 foizini tashkil etadi, maktablarning 69 foizida Wi-Fi zonasi yo‘q, 57 foizi elektron doskaga ega emas. Ayni paytda PISA-2022 bo‘yicha minimal kompetensiya darajasiga erishgan o‘quvchilar ulushi 14–19 foizni tashkil etadi. Xulosa sifatida raqamlashtirish samaradorligini baholashda qamrov ko‘rsatkichlaridan foydalanish intensivligi va o‘quv natijalariga o‘tish zarurligi asoslangan.