HUDUDIY MEHNAT BOZORINING RAQAMLI KO‘NIKMALARGA BO‘LGAN TALABINI OTM TA’LIM XIZMATLARI MARKETING STRATEGIYASIGA INTEGRATSIYALASH

Abstract

Biz ushbu tezisda hududiy mehnat bozorining raqamli ko‘nikmalarga bo‘lgan talabini oliy ta’lim muassasalari (OTM) ta’lim xizmatlari marketing strategiyasiga integratsiyalash masalalarini tahlil qilib chiqamiz. Va u orqali ta’lim xizmatlarining mehnat bozori ehtiyojlariga mosligini oshirish maqsad qilingan. Tadqiqotda hududiy mehnat bozori talablari, raqamli kompetensiyalar, ta’lim xizmatlari marketingi hamda ta’lim dasturlarini moslashtirish masalalari ko‘rib chiqilgan. Hududiy ehtiyojlarni muntazam o‘rganish OTMlarga marketing strategiyalarini takomillashtirish va raqobatbardosh kadrlar tayyorlash imkonini beradi. O‘zbekiston va xalqaro tajriba asosida ta’lim va mehnat bozori integratsiyasining amaliy jihatlari yoritilgan. Natijada, raqamli ko‘nikmalarga yo‘naltirilgan marketing strategiyalarini ishlab chiqish bitiruvchilarning bandligi va ta’lim sifatini oshirishga xizmat qilishi aniqlangan.